Pedal

MinPedal er ein digital stemningsdagbok utvikla for personar med bipolar liding. I MinPedal kan du kartleggje humør, søvn og andre faktorar som kan vere relevante for eigen helse og kvardag. Appen gir deg daglege og vekentlege spørsmål som hjelper deg å få betre oversikt over endringar over tid. Humør- og søvnregistreringar blir visualiserte i eit oversiktleg dashbord, slik at du kan følgje mønster, svingingar og samanhengar. Dette kan bidra til auka bevisstheit rundt eigen situasjon. Appen inneheld òg tilgang til informasjonsmateriell og ressursar knytt til bipolar liding, og er meint som eit personleg støtteverktøy for eigen oppfølging.